Glampio Llechwedd

Mae Glampio Llechwedd wedi'i leoli mewn lleoliad trawiadol ac unigryw, sy'n nythu ymhlith tirwedd llechi garw a enwebwyd gan UNESCO ac sy'n cynnig golygfeydd anhygoel wedi'u cymysgu â threftadaeth diwydiannol. Mae'r chwech o bebyll saffari yn gwbl en-suite ac yn cysgu pedwar neu bump o bobl - perffaith ar gyfer teuluoedd neu grwpiau bach o ffrindiau. Gan gyfuno moethusrwydd ag antur, daw bob pabell gyda'r holl lieiniau a dillad gwely, barbeciw preifat, a’r offer yw ddefnyddio, Wi-Fi a hyd yn oed popdy microdon a oergell gyda rhewgell bach (dim ond angen dod â'r bwyd). Mae’r pebyll unigryw ychydig funudau o waith cerdded i lawr allt o Galon Antur Eryri – sef Llechwedd. Yma, fe welwch ddigon o weithgareddau i lenwi penwythnos heb hyd yn oed gorfod gadael y safle 2,000 erw - o deithiau tryciau milwrol oddi ar y ffordd, i deithiau anhygoel tanddaearol, i wifren zip a mwy i bwmpio’r adrenalin, yn cynnwys Zip World Titan, Caverns a Bounce Below. Mae ‘na hyd yn oed ganolfan beicio lawr mynydd, o'r radd flaenaf, ar garreg eich drws!