Mae pob math o atyniadau ar gael yn Eryri a Llŷn. Cerddwch i gopa'r Wyddfa sy'n 3,560 troedfedd ac y mynydd uchaf yng Nghymru a Lloegr. Ewch ar y wifren cyflyma yn y byd a'r hiraf yn Ewrop yn Zip World neu syrffio ar y don berffaith mewn lagŵn 300 medr yn Surf Snowdonia.
Os ydych chi'n chwilio am antur a gweithgareddau tanddaearol, parciau hwyl i'r teulu, canolfannau hamdden, gerddi sydd wedi ennill gwobrau, rheilffyrdd stêm, amgueddfeydd ac orielau ac yn dymuno dysgu am ein treftadaeth a'n diwylliant, yna Eryri yw'r lle i chi.
Mae digon ar gael gyda degau o atyniadau, gweithgareddau a llefydd i ymweld gan gynnwys Cei Llechi - pentref siopa artisan gyda amryrwiaethau o fusnesau bach annibynol.
