Mae Fairbourne yn sefyll ger agoriad y Mawddach, moryd godidog arall.  Ceir milltiroedd ar filltiroedd o dwyni tywod yma, a ffyrdd go wahanol o deithio.  Cymerwch drip ar hyd Rheilffordd Bach Fairbourne, dal y fferi i Abermaw, neu gerdded ar hyd bont y rheilffordd ysblennydd sydd yn ehangu dros y moryd.

Bydd tywod yn ymestyn am filltiroedd, oddi wrth Bennar i Landanwg - dau draeth distaw wedi eu cefnu gan dwyni tywod  - tafliad carreg i ffwrdd ceir Harlech.  Os am ddistawrwydd, golygfeydd a llond ysgyfaint o awyr iach y môr ewch am dro ar hyd ei thraeth dirfawr, sydd wedi ei ymestyn fel carped anferth o dan Castell Harlech, a gadewch i’r plant chwarae cuddio ger y twyni.

Nodir dechreuad Pen Llŷn gan Draeth y Graig Ddu.  Pam Craig Ddu?  Ceir pentir caregog gydag ogofau a phyllau glan y môr ar yr ochor ddwyreiniol i’r traeth hyfryd sydd ddwy filltir o hyd ac yn boblogaidd iawn gyda hwylwyr barcud a ‘buggies’.  Mae’r traeth hefyd yn gyfleus ar gyfer picnic, gan fod modd gyrru yn syth at y traeth.  Yna fe ddoir tuag at Criccieth, ardal godidog a Fictorianaidd ei steil. Saif gastell brenhinol ar y pentir sydd yn gwahaniaethu dau draeth un yn dywodlyd a llall â cherrig mân. Mae’r ddau draeth yn gwynebu’r arfordir deheuol ac yn cael eu cynhesu gan lif y Gwlff - dywedir bod rhai o’r bobl lleol yn nofio yno’n ddyddiol.

Wrth  deithio’n orllewinol gallwch gerdded ar hyd y traeth neu ar hyd y llwybr arfordirol.  Y pentref nesaf yw Abererch.  Yn debyg i draethau eraill ar hyd arfordir Llŷn, ceir golygfeydd ardderchog o fae Harlech ac o Eryri yno.  Tafliad carreg ydyw o’r fan hyn i Bwllheli, prif ardal Llŷn. Ychydig i’r dde o’r dref mae traeth tywod a graen bras rhagorol i’w gael, a gefnir gan bromenâd hir.

Ni allai amodau fod yn fwy gwahanol ym Mhorth Neigwl sef ‘Pen Tir Cernyw’ (Land’s End) ym Mhen Llŷn.  Mae’r llys enw i’r ardal, ‘Ceg Uffern’, yn egluro pam.  Y dyddiau hyn brigdonwyr dewr y gwelwch yma, ac nid llongddrylliadau ar y traeth gwyllt, gorllewinol hwn sydd yn cael ei adael yn agored i rym cryf o’r Atlantig.

Mae Porthdinllaen, fel Porth ‘Whistling Sands’, yn perthyn i draethau yr Ymddiriedolaeth Genedlaethol.  Mae’n fan anhygoel, gyda’i phentir clyd, gorsaf bad achub, clwstwr o fythynnod a thŷ tafarn enwog - Tŷ Coch - yn edrych dros gilgant tywodlyd perffaith.  Yn debyg iawn, mae gan Nefyn ddwy filltir o draeth llydan ble caiff ei gysgodi ar y gornel orllewinol gan y pentir, mae’n le delfrydol ar gyfer gemau traeth.

Oddi wrth y fan hon mae’r Eifl yn plymio i’r môr mewn llen o glogwyni.  Yn Nhrefor, cyn- bentref chwarel gyda thraeth tawel llawn tywod a graenau bras, byddwch fwyaf tebygol o drochi eich traed nesaf. Yno hefyd ceir gei a phier bychan.  Yn hollol wahanol mae Dinas Dinlle, ar agoriad yr Afon Menai - ble ceir milltiroedd o dywod anhygoel, digonedd o fannau parcio, promenâd deniadol a maes chwarae.

Heb anghofio’r arfordir gogleddol, mae’r ardal fechan a elwir Llanfairfechan, wedi ei gefnu gan fynydd ac yn parhau i fod yn driw i’w wreiddiau Fictorianaidd.  Mae’n un o’r traethau tawelaf ar arfordir Gogledd Cymru, gyda phromenâd hyfryd, machlud haul hardd gyda golygfeydd ar hyd Bae Colwyn ac Ynys Môn.  Ychydig o filltiroedd ymlaen mae Penmaenmawr, tebyg iawn i Lanfairfechan ydyw - ac mae’n hynod o boblogaidd gydag unigolion hwylio brwdfrydig.