Cerdded yn Eryri

Mae Eryri yn le gwych i ddod i gerdded ac mae gennym rwydwaith o lwybrau ar gyfer pobl o bob gallu. Pru’n a’i esgyn i ucheldiroedd Yr Wyddfa yw eich uchelgais neu gerdded ar un o lwybrau hamddenol yr arfordir, rydych yn siwr o gael golygfeydd godidog a tirlun amrywiol. Mae’r tirlun ei hun yn amrywio o fynyddoedd garw, traethau tywynnog hir i lynoedd ac afonydd clir. Mae’r Parc Cenedlaethol yn parhau i ddatblygu rhwydwaith o lwybrau ar gyfer cerddwyr o bob gallu.

Llwybrau Mynydd Anodd

Os ydych eisiau cerdded un o’r chwe llwybr i gopa’r Wyddfa neu gerdded Cader Idris yn ne Eryri, mae’r llwybrau hyn yn gallu bod yn heriol mewn mannau. Gall y tirwedd mynyddig fod yn sialens gyda llethrau diffwys, llwybrau creigiog a’r angen am ddringo mewn rhai mannau. Rhaid cymryd gofal eithriadol wrth gerdded y llwybrau yma yn ystod tywydd gaeafol gan fod cyflwr y llwybr dan droed yn gallu bod yn beryglus iawn. Ni ddylai cerddwyr di-brofiad ymgeisio’r llwybrau yn ystod tywydd o’r fath. Dylai cerddwyr fod yn wyliadwrus o sgri rydd a llethrau. Cofiwch wisgo dillad ac esgidiau addas cyn mynd allan ar y mynydd gan edrych ar ragolygon y tywydd cyn cychwyn eich taith.

Am lwybrau'r Wyddfa ewch i Sherpa - Amserlen Bws a Llwybrau Cerdded Yr Wyddfa.

Pilyn Pwn, Tŷ Nant

Pellter: 6 milltir / 10km (yno ac yn ôl)
Amser: Tua 5 awr
Gradd: Llwybr Mynyddig
Dechrau / Diwedd: Maes Parcio Tŷ Nant (SH 697 153)
Map perthnasol: Arolwg Ordnans Explorer OL23 (Cadair Idris a Llyn Tegid)

Llwybr Cwellyn

Pellter: 8 milltir (13km) (yno ac yn ôl)
Esgyniad: 3071 troedfedd (936 metr)
Amser: Tua 6 awr (yno ac yn ôl)
Gradd: Llwybr Mynyddig
Dechrau / Diwedd: Maes Parcio Llyn Cwellyn, oddi ar yr A4085 (SH 564 551)
Map perthnasol: Arolwg Ordnans Explorer OL 17 (Yr Wyddfa a Dyffryn Conwy)

Llwybr Minffordd

Pellter: 6 milltir / 10km (yno ac yn ôl)
Amser: Tua 5 awr
Gradd: Llwybr Mynyddig
Dechrau / Diwedd: Maes Parcio Dôl Idris (SH 732 116)
Map perthnasol: Arolwg Ordnans Explorer OL 23 (Cadair Idris a Llyn Tegid)

Am ragor o fanylion am y llwybrau uchod ewch i wefan Parc Cenedlaethol Eryri.

Llwybrau Hamdden Anodd

Mae’r llwybrau hamdden anodd yma yn cyfuno tirwedd gwastad, llethrau diffwys a rhannau sy’n esgyn yn raddol. Mae rhan o lwybr Clogau yn cynnwys cerdded ceunant hefyd. Rydych yn debygol o wynebu llwybrau serth a rhai mannau heriol, felly byddwch yn barod a gwisgwch esgidiau addas oherwydd gall rhai o’r llwybrau fod yn llithrig. Cewch eich gwobrwyo â golygfeydd godidog o dirlun Eryri gan gynnwys mynyddoedd, llynoedd, coedwigoedd ac afonydd. Mae’r rhan fwyaf o’r llwybrau yn rai cylchol gyda chyfleusterau ar gael ar ddechrau’r daith.

Crimpiau, Capel Curig

Pellter: 3.5 milltir (6km)
Amser: 3 awr
Esgyniad: Crimpiau – 475 m; Clogwyn Mawr – 347 m Tirwedd: Mae rhai rhannau o'r llwybr yn gallu bod yn llithrig ac yn hynod o serth.
Gradd: Llwybr Hamdden
Anodd
Cychwyn / Diwedd: Maes parcio APCE, Capel Curig (SH 721582)
Map perthnasol: Arolwg Ordnans Explorer OL 17 Yr Wyddfa
Cyfleusterau: Toiledau, siop a chaffi gerllaw’r maes parcio

Clogau, Bont Ddu

Pellter: 4 milltir (6.5km)
Amser: 3 awr Esgyniad: 250m
Gradd: Llwybr Hamdden Anodd
Dechrau / Diwedd: Un o’r cilfannau ochr Dolgellau i bentref Bontddu (SH 679188) Map perthnasol: Arolwg Ordnans Explorer OL 23 (Cadair Idris a Llyn Tegid) Cyfleusterau: Toiledau a garej ym Montddu

Dôl-goch, Tywyn

Beth sy’n arbennig am y lle? - Mae yma goedlan amrywiol a diddorol yn y ceunant llaith sy’n wynebu’r gogledd-orllewin. Gan nad oes llawer o bori wedi bod yma, mae cyfoeth anghyffredin o blanhigion daear i’w gweld, gan gynnwys gwyddfid, eiddew a sawl math o redyn. Pridd asidig a grug sydd ar ochr ogleddol y ceunant, yn enwedig wrth nesu at y brig.

Am ragor o fanylion am y llwybrau uchod ewch i wefan Parc Cenedlaethol Eryri.

Llwybrau Hamdden Canolig

Mae nifer o’r teithiau hamdden yma yn rai cylchol ac yn amrywio o deithiau byr, ychydig o oriau i rai hirfaith. Maent yn gyfle gwych i weld Parc Cenedlaethol Eryri heb orfod mentro allan ar rai o’r llwybrau mwyaf heriol. Er bod y teithiau yma yn llai o sialens, gall y tirwedd amrywio â pob lleoliad. Wrth fentro allan byddwch yn barod ar gyfer tir fferm, llwybrau anwastad, ffyrdd tarmac, nentydd, corsydd a rhannau serth. Mae’r teithiau yma yn addas ar gyfer yr holl deulu. Mae esgidiau cerdded da a dillad addas yn cael ei argymell.

Arthog

Pellter: tua 9 milltir
Amser: tua 6 awr
Gradd: Llwybr Hamdden Canolig
Dechrau / Diwedd: Maes parcio Arthog, oddi ar yr A493 (SH 640 147)
Map perthnasol: Arolwg Ordnans Explorer OL 23 (Cadair Idris a Llyn Tegid)
Cyfleusterau: maes parcio, byrddau picnic.
Gwybodaeth ddefnyddiol: Tua hanner ffordd ar hyd y daith mae toiledau a maes parcio (gweler y map)

Llyn Tegid, Bala

Pellter: Tua 7.5 milltir (12Km) Amser: Tua 5 awr wrth gerdded yn hamddenol
Gradd: Llwybr Hamdden Canolig
Dechrau: Y Gilfach Goffa, Llanuwchllyn
Diwedd: Maes Parcio APCE ar flaendraeth Llyn Tegid
Map perthnasol: Arolwg Ordnans Explorer OL 23 (Cadair Idris & Llyn Tegid) Cyfleusterau: Ar ddiwedd y daith - maes parcio talu ac arddangos, toiledau cyhoeddus, byrddau picnic.

Dyffryn Maentwrog

Pellter: Rhwydwaith o lwybrau dros 30km yn ei chyfanrwydd Lleoliad: Plas Tan y Bwlch a nifer o leoedd parcio eraill (gweler y map am fwy o wybodaeth)
Map perthnasol: Arolwg Ordnans OL 18 Harlech, Porthmadog a'r Bala Gwybodaeth ddefnyddiol: Gwisgwch esgidiau cerdded cyfforddus

Am ragor o fanylion am y llwybrau uchod ac eraill sy'n ganolig ewch i wefan Parc Cenedlaethol Eryri.

Llwybrau Hamdden Hawdd

Yr hyn sy’n dda am y llwybrau hamdden yma yw eu bod i gyd yn gymharol wastad gyda ychydig neu ddim graddiant. Gallwch gerdded rhannau o’r llwybrau neu orffen y daith gyfan-mae fyny i chi. Ac eithrio Llwybr Mawddach, mae’n bosib cwblhau y llwybrau hawdd yma mewn ychydig oriau gan roi cyfle i chwi deithio o amgylch Eryri gyda gweddill eich amser. Cofiwch wisgo esgidiau cyfforddus.

Gwelfor, Aberdyfi

Pellter: Tua 3 milltir (5 km) Amser: 2 awr Gradd: Llwybr Hamdden Hawdd
Dechrau / Diwedd: Maes parcio talu ac arddangos ger Neuadd Dyfi, Aberdyfi, gyferbyn â'r garej.
Map perthnasol: Arolwg Ordnance Explorer OL 23 (Cadair Idris a Llyn Tegid) Gwybodaeth Ddefnyddiol: Gwisgwch esgidiau cerdded cyffyrddus a chôt law (gall y daith hon fod yn fwdlyd). Mae'n werth mynd â sbienddrych gyda chi.

Abergwynant

Amser: Tua 2 awr Gradd: Llwybr Hamdden Hawdd Dechrau / Diwedd: Maes Parcio Llynpenmaen, ger Dolgellau
Map perthnasol: Arolwg Ordnans Explorer OL 18 Harlech, Porthmadog a'r Bala Gwybodaeth Ddefnyddiol: Gwisgwch esgidiau cerdded cyffyrddus a dillad glaw (gall y daith hon fod yn fwdlyd). Mae'n werth mynd â sbienddrych gyda chi

Pontydd, Betws y Coed

Pellter: Rhwng 1 a 4 milltir Amser: Rhwng 1 a 3 awr Gradd: Llwybr Hamdden Hawdd
Dechrau / Diwedd: Maes Parcio'r Parc Cenedlaethol y tu ôl i'r Ganolfan Groeso
Map perthnasol: Arolwg Ordnans Explorer OL 17 (Yr Wyddfa a Dyffryn Conwy) Gwybodaeth Ddefnyddiol: Gwisgwch esgidiau cyfforddus a chôt law

Am ragor o fanylion am y llwybrau uchod ewch i wefan Parc Cenedlaethol Eryri.

Llwybrau Hygyrch

Os yw hygyrchedd a pellter yn ffactor, yna dylai’r teithiau hygyrch yma ateb eich gofynion. Yr hyn sy’n uno’r llwybrau yma yw eu bod i gyd wedi eu dylunio gyda hygyrchedd mewn golwg. Mae’r teithiau yma yn gymharol fyr o ran pellter ac mae rhannau yn addas ar gyfer pobl mewn cadeiriau olwyn. Maent hefyd yn addas ar gyfer pramiau.Mae’r rhan fwyaf o’r teithiau yma yn cynnwys cyfleusterau gerllaw megis meysydd parcio, byrddau picnic a toiledau.

Llwybr Ianws

Pellter: 400 metr
Gradd: Llwybr hygyrch
Dechrau / Diwedd: Maes Parcio Cwellyn ar yr A4085 rhwng Rhyd Ddu a Betws Garmon (SH 564 551)
Cludiant Cyhoeddus: Gwasanaeth Bws Rhif S4 (Sherpa'r Wyddfa). Am fwy o fanylion ewch i www.traveline-cymru.org.uk neu ffoniwch 0871 200 22 33
Cyfleusterau: Parcio i'r anabl, toiled hygyrch, meinciau a byrddau picnic hygyrch

Dôl-Idris

Lleoliad: Maes Parcio Dôl Idris, Talyllyn ar y B4485 (ger y gyffordd i'r A487)
Cyfeirnod Grid: SH 732 115 Y Llwybr: Tua 1.25kn o lwybr hygyrch
Cyfleusterau: Maes parcio, toiledau, toiled hygyrch, byrddau picnic hygyrch Gwybodaeth Ddefnyddiol:Ffôn 01341 422 888 neu e-bost tic.dolgellau@eryri-npa.gov.uk Cluddiant Cyhoeddus: Gwasanaeth Bws Rhif 30. Am fwy o fanylion ewch i www.traveline-cymru.org.uk neu ffoniwch 0871 200 22 33

Rhaeadr Aber

Pellter: 2 milltir / 3.2km
Gradd: Llwybr Hygyrch, ond gydag elltydd.
Dechrau / Diwedd: Maes parcio Rhaeadr Fawr.
Map perthnasol: Aber Arolwg Ordnans Explorer OL 17 (Yr Wyddfa a Dyffryn Conwy). Cyfleusterau: Meysydd parcio hygyrch, toiledau cyhoeddus a bwrdd picnic hygyrch yn y maes parcio uchaf, canolfan ddehongli ar y llwybr.

Am ragor o fanylion am y llwybrau uchod ewch i wefan Parc Cenedlaethol Eryri.