Golffio Gwych ar Gledrau’r Cambrian Mae menter newydd i ysgogi teithio ar y trenau i 12 o gyrsiau golff a wasaneithir gan Reilffyrdd y Cambrian wedi ei lawnsio.

Fel rhan o’r scêm mae rhan fwyaf o’r clybiau golff sy’n cymryd rhan wedi cytuno i gynnig discownt i’r rhai sydd yn teithio iddynt ar y trên.

Tarwyd ‘ergyd gyntaf’ y fenter fel rhan o ddigwyddiad a hwyluswyd gan Asiantaeth Partneriaethau Rheilffyrdd Cymunedol (APRC) yng Nghaerdydd i lawnsio adroddiad ar ‘Asesiad Twristiaeth a Thrafnidiaeth Cynaladwy’ sydd â’r nod o ddatblygu’r berthynas rhwng trafnidiaeth a thwristiaeth yng Nghymru.

Wrth lawnsio ‘Golffio Gwych ar Gledrau’r Cambrian’ medd Y Gweinidog dros Dreftadaeth, Alun Ffred Jones, “Hoffwn gymeradwyo Trenau Arriva Cymru a Phartneriaeth Rheilffyrdd y Cambrian ar y fenter yma a fydd yn golygu bod golffwyr sy’n ymweld â Chanolbarth Cymru yn medru teithio’n hawdd o amgylch y rhanbarth gan adael eu ceir gartref. Gyda Cymru’n cynnal Cwpan Ryder yn 2010 mae yna fwy o ffocws nag erioed o’r blaen ar Gymru fel lleoliad twristiaeth golff.  Yn ogystal â defnyddio’r trenau i gyrraedd rhai o’m cyrisau golff gorau fe fydd ymwelwyr yn medru gweld mwy o Gymru a chael budd allan o mynediad gostyngedig i rai o atyniadu bendigedig yr ardal. Golff yng Nghymru yw golff fel y ddylsai fod.”

Gan gyfeirio at y scêm medd Jim Mcleod, Golffiwr Proffesiynol Clwb Golff Aberystwyth “Mae’n wych ein bod yn medru gweithio fel hyn gyda chlybiau eraill yr ardal a’r rheilffyrdd er mwyn hyrwyddo’r pecyn golff a rheilffordd mewn modd sydd o fudd i ni gyd.”

Datblygwyd y prosiect gan Bartneriaeth Rheilffyrdd y Cambrian yn gweithio gyda’r clybiau golff sy’n cymryd rhan a thrwy derbyn cefnogaeth gan Bartneriaeth Twristiaeth Canolbarth Cymru.

Dywedodd Ben Davies ar ran Trenau Arriva Cymru “Mae hyn yn esiampl dda arall o fenter rydym wedi ei wireddu drwy Partneriaeth Rheilffyrdd y Cambrian i hyrwyddo teithio ar y trên ar rwydwaith y Cambrian. Yn ogystal â chynyddu niferoedd y teithwyr ar y trenau mae’r fath scêmau hefyd yn help i gefnogi busnesau lleol, yn yr achos yma y Clybiau Golff, a hefyd yr economi lleol letach.”

Am ragor o wybodaeth ar Reilffyrdd y Cambrian ymwelwch â Y Linell Cambrian neu lawrlwythwch Golffio Gwych ar Gledrau’r Cambrian-The Cambrian Railways,The Winning Way to the Fairway.