Canolfan Grefft Corris Er bod yr ardal yn fach, mae llawer i’w wneud yma. Mae Canolfan Grefft Corris yn bentref bach ynddo ei hun, gyda nifer o weithdai yn arddangos crefftau traddodiadol gwladaidd a chrefftau cyfoes.

Canolfan Dechnoleg Amgen

Mae un o atyniadau mwyaf arwyddocaol ardal deheudir Eryri yn cael ei guddio oddi fewn i’r goedwig, dwy filltir tua’r de. Mae’r Canolfan Dechnoleg Amgen yn arloesi ar gyfer y dyfodol, yma ceir bob math o ddyfeisiadau i arbed ynni ac i dorri i  lawr ar ddefnydd ac allyriad carbon. Nid yn unig y bydd yr atyniad yn agor eich llygaid ond mae hefyd yn hynod o ddifyrrus sydd yn adrodd neges ddifrifol mewn ffurf hwyliog.

Teithiau Tanddaearol Mae ‘Corris Mine Explorers’ hefyd yn cynnig teithiau tanddaearol. Atyniadau a gweithgareddau eraill sydd ar gael yw’r Amgueddfa a’r Rheilffordd, profi’r mwynhad o feicio i lawr allt yn y goedwig, pysgota gwych yn Llyn Tal-y-Llyn a cherdded ar hyd Cadair Idris.

Labyrinth y Brenin Arthur Ger y Ganolfan Grefft ceir Labyrinth y Brenin Arthur, man poblogaidd i ymwelwyr ble mae modd mynd o dan ddaear a chlywed chwedlau am y brenin enwog hwn.