Hwyl i'r Teulu yn Eryri Mynyddoedd a Môr

Pethau i'w Gwneud
Atyniadau
Digwyddiadau

Llyfryn Pysgota Newydd i Eryri Mynyddoedd a Môr

Mae mynyddoedd uchel Eryri yn gefndir godidog i Ben Llŷn ac arfordir Bae Ceredigion sy’n frith o leoliadau pysgota gwahanol. Ceir clogwyni a chreigiau uchel sy’n plymio yn serth i’r môr gan roi marciau pysgota dŵr dwfn yn agos i’r lan. Mae’r 300km o arfordir wedi ei fritho gan draethau tywod, storm a cherrig a maent yn hafan a thynfa i’r pysgod. Lleolir Afon Menai, sy’n rhannu’r tir mawr oddi wrth Ynys Môn yng nghanol golygfeydd ysblennydd. Gellir pysgota yma am fas o’r gwanwyn hyd ddiwedd hydref gyda chyflwr y llanw ar ei orau pan ar ei isaf. O ran abwyd gall granc, abwydyn y môr a lygwn fod yn effeithiol heb anghofio troelli hefyd. Mae Dinas Dinlle yn leoliad sydd werth ei ymweld gyda’r ‘tope’ yn cyrraedd ar ddiwedd gwanwyn i ddechrau’r haf. Gall y pysgod yma roi profiad pysgota byth gofiadwy i’r pysgotwyr a gallant bwyso o ugain pwys i fyny.

Taith Mary Jones

Wrth ddilyn y daith linol hon, byddwch yn cerdded am 28 milltir ac yn mwynhau tirwedd godidog yr hen sir Feirionnydd; byddwch yn cychwyn y daith mewn dyffryn hardd wrth droed Cadair Idris ac yn terfynu wrth lannau Llyn Tegid. Byddwch yn cerdded ar lwybrau fydd â chaniatâd y tirfeddiannwr wedi ei sicrhau cyn mynd arnynt ac ar hyd rhai ffyrdd cyhoeddus; aiff y daith â chi dros fynydd-dir hardd a thrwy goetiroedd; ar hyd ffyrdd rhamantaidd cefn gwlad a ffyrdd mwy, prysurach. Byddwch yn rhyfeddu at lynnoedd a mynyddoedd hyfryd o’ch cwmpas.

Llwybr Mary Jones (PDF, 1.69MB)
Cymdeithas y Beibl - Bible Society

Un o'r pethau gorau am fynd ar wyliau yw trefnu lle i aros - mae digon o ddewis yma yn Eryri. Mae yma lety o safon, bythynnod a thai hunan ddarpar, tai gwely a brecwast croesawgar a bob math o lety beth bynnag eich anghenion.

Canolfannau Hamdden

Abermaw/Barmouth
Bala
Bangor 
Bethesda
Caernarfon
Dolgellau
Ffestiniog 
Harlech
Pwllheli
Porthmadog
Penygroes 
Tywyn