Mae bwa gogleddol Bae Ceredigion - llawer ohono yn y Parc Cenedlaethol - yn un o harddwch eithriadol. Mae’r mynyddoedd yn llithro i lawr at y môr mewn cyfres o forydau trawiadol, ac mae’r traethau ymhlith y rhai mwyaf tywodlyd ac eang yng Nghymru gyfan. Yn y bryniau fe ddewch o hyd i lecynnau prydferth, llynnoedd mynyddig, lleoliadau llawn naws a cherdded eithriadol. Gallwch weld y cyfan o drefi glan môr neu bentrefi gwledig. Ymchwiliwch ef ar Reilffordd Arfordir Cambria hwylus sy’n rhedeg ar hyd y bae.

Yn ddiddadl un o drefi glan môr bychan a phorthladdoedd hwylio prydferthaf Prydain wedi ei lleoli lle mae afon Dyfi yn cyrraedd dyfroedd Bae Ceredigion.

Abermaw

Tref glan môr poblogaidd ac aber prydferth afon Mawddach. Uwchben yr harbwr ceir pentir Dinas Oleu, man geni'r Ymddiriedolaeth Genedlaethol.

Harlech

Tref fechan sy’n rhaid ei gweld nid yn unig oherwydd y golygfeydd ar draws y twyni ond hefyd am ei chastell canoloesol sy'n sefyll ar glogwyn, safle Treftadaeth Byd.

Tywyn

Tref glan môr a chanolfan ar gyfer teithio. Mae’r atyniadau yn cynnwys traeth tywod eang a rheilffordd gul Tal-y-llyn sy’n teithio i’r bryniau. Ceir llawer o lecynnau hardd lleol - Rhaeadr Dolgoch, Craig yr Aderyn, Llyn Tal-y-Llyn a Chastell y Bere, cadarnle llawn naws tywysogion Cymru.